Boðað er til aðalfundar SÍL sunnudaginn 19. september kl. 11:15 í Tónlistarskóla Vestmannaeyja. Æskilegt er að hver hljómsveit sendi a.m.k. tvo til þrjá fulltrúa á fundinn og skulu þeir skv. lögum hafa meðferðis kjörbréf undirritað af formanni eða ritara lúðrasveitarinnar. Formenn eða stjórnendur lúðrasveitanna eru vinsamlegast beðnir um að senda upplýsingar um hverjir mæta á fundinn fyrir 17. september. Svar sendist á netföngin grimsson@centrum.is eða sil@sil.is

FUNDAREFNI:
1. Venjuleg aðalfundarstörf
- Formaður gefur skýrslu um starfsemi liðins árs
- Ritari les fundargerð síðasta aðalfundar
- Gjaldkeri leggur fram endurskoðaða reikninga síðasta starfsárs
- Lagabreytingar* (ef einhverjar)
- Kosning stjórnar og tveggja endurskoðenda
2. Skýrsla hljómsveitanna, starf frá liðnu ári og hvað er framundan
3. Fyrirkomulag landsmóta
Kaffi
4. Nótnaútgáfa
5. Önnur mál

* Tillögur um breytingar á lögum sambandsins þurfa að berast stjórn SÍL einni viku fyrir aðalfund. Hægt er að senda slíkar tillögur á ofangreind netföng. Lögin eru aðgengileg á heimasíðu SÍL, www.sil.is.

Eins og vonandi flestir vita núna þá verður 20. landsmót SÍL haldið í Vestmannaeyjum helgina 17.-19. september næstkomandi. Mótið verður haldið með sama fyrirkomulagi og í Þorlákshöfn árið 2008. Stjórn SÍL hefur tekið þátt í skipulagningu mótsins ásamt Lúðrasveit Vestmannaeyja og er dagskráin svohljóðandi:

Föstudagur 17. sept.
19.00 Herjólfur kemur til eyja, fólk kemur sér fyrir á gististað (við vonumst til að sem flestir geti nýtt sér ferð Herjólfs kl. 18.30 frá Landeyjahöfn).
21.00 – 23.00 Nótum dreift og stutt æfing
22.00 Síðasta Herjólfsferð kemur til eyja, fólk sem kemur með þessari ferð mætir beint á æfingu og fær nótur.

Laugardagur 18. sept.
9.00-10.00 Morgunmatur í Akoges
10.00-12.15 Æfing – Sveit A í Hvítasunnukirkjunni
10.00-12.30 Æfing – Sveit B í Hvítasunnukirkjunni
12.15-13.15 Hádegismatur – Sveit A í Akoges
12.30-13.30 Hádegismatur – Sveit B í Akoges
13.15-16.00 Lokaæfing – Sveit A í Hvítasunnukirkjunni
13.30-16.00 Lokaæfing – Sveit B í Hvítasunnukirkjunni
17.00-19.00 Tónleikar í Hvítasunnukirkjunni
20.00-??.?? Hátíðarkvöldverður og dansleikur í Kiwanis

Sunnudagur 19. sept
11.00 Aðalfundur SÍL
Frítt í sund
Herjólfur fer frá Eyjum kl. 9.00, 12.00, 15.00 og 21.00

Boðað er til aðalfundar og vinnufundar SÍL laugardaginn 13. desember kl. 14:00 – 17:00 í Tónlistarskóla Seltjarnarness.
Nauðsynlegt er að hver hljómsveit sendi eins marga fulltrúa á fundinn og hægt er til að taka þátt í umræðum um framtíð lúðrasveita á Íslandi.

Vinsamlegast sendið svar fyrir 10. september um hve margir frá ykkar sveit mæta á fundinn.
Svar sendist á netfangið grimsson@centrum.is

Athugið að lagabreytingar þarf að leggja fyrir stjórn viku fyrir aðalfund.

FUNDAREFNI:
1. Venjuleg aðalfundarstörf, kosning nýrrar stjórnar
2. Skýrsla hljómsveitanna, starf frá liðnu ári og hvað er framundan
Kaffi
3. Nótnaútgáfa og hugsanlegt samstarf með SÍSL
4. Önnur mál

Kveðja,
Lárus Halldór Grímsson
Formaður SÍL

Eins og allir ættu að vita verður 19. landsmót Sambands íslenskra lúðrasveita (SÍL) haldið í Þorlákshöfn helgina 26.-28. september 2008. Formleg dagskrá hefst að morgni laugardagsins 27. september og endar með tónleikum daginn eftir.

Mótið verður með öðru sniði en tíðkast hefur, en öllum þátttakendum verður skipt upp í tvær til þrjár sveitir sem æfa á laugardeginum og verður afraksturinn opinberaður á tónleikum daginn eftir.

Dagskrá mótsins er eftirfarandi:

Laugardagurinn 27. sptember
09:30: Morgunmatur í Ráðhúsi. Landsmót sett og þátttakendum skipt í sveitir
11:00- 13:00: Æfingar í grunnskóla
13:15: Hádegismatur í Ráðhúsi
14:30-16:30: Æfingar halda áfram í grunnskóla
16:45-17:30: Samæfing. 1-2 lög sem allir spila saman
17:30-20:00: Frjáls tími. Upplagt að skella sér í sund en frítt verður í sundlaugina
20:00: Kvöldverður, skemmtun og dansleikur í Ráðhúsi
Skemmtiatriði frá lúðrasveitum
Veislustjóri sér um að ekkert fari úr skorðum
Hljómsveitin Sólon leikur fyrir dansi

Sunnudagurinn 28. september
10:00-12:00: Brunch í Ráðhúsi fyrir þá sem vilja (hver borgar fyrir sig)
12:45: Mæting í íþróttahús
13:30-15:00: Tónleikar í íþróttahúsi

Nánari upplýsingar veita:
Ása Berglind Hjálmarsdóttir, asaberglind@lhi.is, s. 692 7184
Ágústa Ragnarsdóttir, agustaragnars@simnet.is, s. 897 5818
Jón Óskar Guðlaugsson, jongudl@gmail.com, s. 695 9346

Það verður fjör í Listasafni Reykjavíkur, Hafnarhúsinu, laugardaginn 9. febrúar. Þá heldur Lúðrasveit Verkalýðsins sína árlegu barnatónleika.
Að þessu sinni verða krakkar úr Skólahljómsveit Austurbæjar sérstakir gestir og leika nokkur lög á tónleikunum. Óli úr söngleiknum Abbababb lítur við og kynnir tónleikana.
Á dagskrá eru m.a. lög eftir popptónlistarmanninn MIKA, þekkt íslensk lög og leikhúslög auk þess sem að Óli mun syngja með okkur lag úr Abbababb.

Látið sjá ykkur á þessari frábæru skemmtun fyrir alla fjölskylduna í Listasafni Reykjavíkur þann 9. febrúar. Tónleikarnir hefjast kl. 15:00

Allir velkomnir og aðgangur er ókeypis.

Tónleikar Lúðrasveitar verkalýðsins næstkomandi laugardag verða með sannkölluðu Klezmer-þema. Eingöngu verður leikin tónlist sem tengist þeirri tónlistarstefnu, en hún er mjög áhugaverð og skemmtileg.
Klezmer tónlist á rætur sínar að rekja til gyðinga í kringum 15. öld. Áður fyrr vísaði klezmer til hljóðfæra og seinna til hljóðfæraleikarana. En það var ekki fyrr en um miðbik eða seint á 20. öld sem að orðið klezmer var notað til þess að skilgreina tónlistarstefnuna sem slíka.
Haukur Gröndal hefur verið sveitinni innan handar við að útsetja klezmerlög fyrir tónleikana en þeir verða haldnir í Ráðhúsi Reykjavíkur laugardaginn 17. nóvember og hefjast kl. 14:00
Aðgangur er ókeypis.

Styrktarfélagstónleikar Lúðrasveitar Vestmannaeyja verð haldnir 10 nóvember kl 16:00 í Betel. Stórnandi sveitarinar er Jarl Sigurgeirsson.

Boðað er til aðalfundar og vinnufundar SÍL laugardaginn 15. September kl. 14.00 – 17.00 í æfingarhúsnæði Lúðrasveitar Verkalýðsins í Reykjavík. Nauðsynlegt er að hver hljómsveit sendi eins marga fulltrúa á fundinn og hægt er til að taka þátt í umræðum um framtíð lúðrasveita á Íslandi.
Stjórn vill koma því á framfæri að ljóst er að mikil endurnýjun mun eiga sér stað. Tilvonandi fulltrúar eru beðnir um að vera tilbúnir með tilnefningar í stjórn í tíma.
Vinsamlegast sendið svar fyrir 15. september um hve margir mæta á fundinn. Svar sendist á netfangið sil@sil.is.
FUNDAREFNI:
1. Venjuleg aðalfundarstörf
2. Skýrsla hljómsveitanna, starf frá liðnu ári og hvað er framundan
3. Landsmót
Kaffi
4. Framtíð SÍL
7. Önnur mál

Lúðrasveit Reykjavíkur heldur vortónleika sína fimmtudagskvöldið 24. maí í Seltjarnarneskirkju. Tónleikarnir hefjast kl. 20:00 og er aðgangur ókeypis.
Efnisskráin er fjölbreytt, en á henni má meðal annars finna. „An American in Paris“ eftir George Gershwin ásamt verkum eftir Manfred Schneider, Peter Kleine Schaars, Dave Brubeck og fleiri. Einnig mun Kristjan Rúnarsson, einn af klarínettuleikurum sveitarinnar leika einleik í „Concertino fyrir klarinett“ eftir Carl Maria von Weber. Gestahljóðfæraleikari verður Sigurður Flosason saxófónleikari.

Stefán Sigurjónsson lætur af störfum sem stjórnandi Lúðrasveitar Vestmannaeyja núna um mánaðarmótin maí, júni og við sprotanum tekur Jarl Sigurgeirsson. Stjórn Lúðrasveitar Vestmannaeyja þakkar Stefáni vel unnin störf í þágu sveitarinnar og bíður um leið Jarl velkominn til starfa.